أكيد كلكم عارفينة
الباندا
عارفين انا حاطة صورتة لية؟
بيمثل لى إية؟
بحبة لية؟
بيفكرنى بإية؟
بيفكرنى بنفسى
فى إية؟
احنا الاتنين كائنات منقرضة
خلاص مبقاش منا كتير
ولما نخلص..ونمشى ..ونروح
هيتكلموا عنا بصيغة الماضى البعيد
هيقولوا كان زماااان فية كائن كدة
اسمة "الباندا"
عمره ما أذى حد
ولا زعل حد
ومقدرش يتحمل الحياة
حلوه ..أو وحشة..مفرقتش معاه كتير
المهم إنة مقدرش يكمل
قرر الإنسحاب
والإختتباء
والإختفاء
محدش يزعل علية ولا يرثى لحالة
لأنة عمرة ما كان سعيد بوجودة فى الدنيا
عمرة ما حس براحة
حاول كتير يتأقلم ويتعامل ويتعايش
بس اللى خلاه يزعل ..وينسحب
هو "الأذى"
"أذى" الناس اللى من غير سبب
الناس اللي وصفتيهم دول اه منقرضين
ReplyDeleteبس ماهماش زي الباندا
لييييه
علشان العالم كله بيتكاتف علشان ينقذ الباندا من الانقراض
لكن اللي زي حالتنا اللي وصفتيهم دول
العالم كله بيتكاتف علشان يخلص منهم اوام اوام
بوست له معاني كتير راحت
سلامي
وحدي الله يابنت بلدي.... تنقرضي ايه بعد الشر عليكي...
ReplyDeleteفرفشي كده... وارمي ورا ضهرك... وبلاش جو الحزن ده... الحزن تذكر الالم مش الحل.. لاي حاجة...
ثم باندا؟؟ باندا؟؟
انتي عارفة ان الباندا اصلا اصلا... دب .. بس من كتر شرب المخدرات ظهرتله هالات سودا حولين عينه؟؟!!!! يعني دب مسطول.. هههههههههه..
تحياتي يا..... ياسنجل مامي
ياه يا اوختشي
ReplyDeleteاما انتي عليكي حاجات
ده الأذى ده بقى الطبيعي
المنهج اليومي
اتذكر فيما أذكر
أيام ظمااااااااااااان لما كنت لسه بريئة
كنت مع كل أذى اقعد اعيط واقول ليه
لحد ما المرحوم عبد الوهاب خرج إلينا بالأغنية التحفة
من غير ليه
ساعتها ادركت انها الحياة
من غير ليه
مش شرط تأذي علشان تتأذي
دي بهارات الحياة
ان الأذى طبع زمني عام مزمن
اتعودي عليه
افهمي حكمته
والله ها تحبي الدنيا
علشان ساعتها ها تشوفي الطيبة صح
وها تحافظي قوي قوي على عشرة الطيبين
ربنا يفرح قلبك ويسعدك ويتقبلك في الصالحين
سلامي لسي حمزة بيك
حبيبتى الدكتورة
ReplyDeleteواللة ما عارفة اقولك اية هو انا كدة مش بقدر اتحمل حاجات كتيرة وبالنسبة لفهم حكمة الاذى والتعود علية اكيد هاحتاج وقت للتعود ومساعدة للفهم ..نفسك معايا اكيد اكيد هتساعدينى
اما عن حفاظى على عشرة الناس الطيبين ..هو انا تاعبنى وواجع قلبى غير جهادى الشديد للتمسك لدرجة الالتصاق بالناس الكويسين
تحياتى وقبلاتى
عزيزتى شمس النهار
ReplyDeleteواللة عندك حق الناس فعلا تحسى انهم بيبذلوا مجهود عشان يخلصوا منا ..بس سيبك كويس ان احنا من نفس الفصيلة متشكرة على التعليق الجميل ونورتينى
فى انتظار زياراتك باستمرار
تحياتى وقبلاتى
عزيزى ابو على
ReplyDeleteواللة ضحكتنى جامد جدا ورفعت معنوياتى بس تصدق انا كنت فاكرة ان الهالات السودا دى من السهر الكتير وشرب القهوة ..نورت المحكمة يا ابن بلدى
تحياتى ليك
معلشي
ReplyDeleteالاذي دا اللي بتعرضله اللي ذي حالاتنا
لا لينا فالشر ولا غيره
وديمن الاذي هو اللي بيكون مستنينا
بس دا ربنا سبحانه وتعالي بيخليه بيتحط عننا سيئات احنا عملناها لما نصبر عليه
تقبلي مروري وتحياتي
طب نعمل إية يا سونى يا ختى؟؟واللة الواحد قرب يشد ف شعرة ويتجنن بس كويس ان الدنيا فيها اكتر من باندا..
ReplyDeleteعندى مشكلة فى التعليق عندك مش باعرف اكتبلك ممكن تساعدينى ف حل المشكلة دى؟
تحياتى وقبلاتى
تخيلى فعلا الناس اللى زينا اللى مش بيزعلوا حد و اللى عايشين مسالمين و مش بيحاولوا يخسروا حد حتى لو جرحهم بقوا موضه قديمه و قريب حيبقى الكلام علينا بصيغه كانوا
ReplyDeleteالله يرحمهم و يرحم ايامهم
بس انا برضه عايزه اعرف ليه اللى زينا حظه قليل و مش بيلاقى من اللى حواليه دايما غير كل جرح
بوست جميل قلب المواجع
صيدلانية العزيزة
ReplyDeleteاللى زينا لية حظة قليل؟اكيد لو كنت عارفة مكنتش كتبت البوست دا بس الاكيد انى لو عرفت مش هخبى عليكى
مش عارفة اعلق عندك على اى حاجة لية؟؟حد يفهمنى انا اصلى عندى امية كمبيوترية
تحياتى وبلاش والنبى موضوع المواجع دة
تحياتى وقبلاتى
تشابه جميل رغم الحزن الداخلى
ReplyDeleteبس انا شايفاه جميل لانى اوقات كتير بحس كده برضه:)
عزيزتى موناليزا
ReplyDeleteتشابة لحد التطابق والحزن الداخلى قدر لا يمكننا الأفلات منة فقط ندعو اللة ان يلهمنا الصبر علية اشكرك على الزيارة والتعليق
نورتينى
تحياتى وقبلاتى